देवगिरी गावात दोन वर्गखोल्यांच्या इमारतीचे उद्घाटन; विद्यार्थ्यांना मिळणार अधिक चांगल्या सुविधा

देवगिरी गावात दोन वर्गखोल्यांच्या इमारतीचे उद्घाटन; विद्यार्थ्यांना मिळणार अधिक चांगल्या सुविधा

Also read

*दोन हजारांवरील यूपीआय व्यवहारांवर MDR शुल्क; १५ ऑक्टोबरपासून नवा नियम*

बेळगाव | प्रतिनिधी

कडोली ग्रामपंचायत हद्दीतील देवगिरी गावातील शाळेसाठी नव्याने बांधण्यात आलेल्या दोन वर्गखोल्यांच्या इमारतीचे गुरुवारी लोकार्पण करण्यात आले. हा प्रकल्प १५व्या वित्त आयोगाच्या निधीतून तसेच सार्वजनिक बांधकाम मंत्री सतीश जारकीहोळी यांच्या निधीतून साकारण्यात आला आहे.

या नव्या वर्गखोल्यांमुळे विद्यार्थ्यांना अधिक चांगल्या शैक्षणिक सुविधा उपलब्ध होणार असून शाळेच्या पायाभूत सुविधांमध्येही लक्षणीय भर पडणार आहे.

Also read

*खानापूर तालुका दुष्काळग्रस्त जाहीर करा; शेतकऱ्यांची संपूर्ण कर्जमाफी आणि कृत्रिम पावसाची मागणी तहसीलदारांना शेतकऱ्यांचे निवेदन; पीक नुकसानीचे पंचनामे करून तातडीने मदत देण्याची मागणी*

खोल्यांचे उद्घाटन केपीसीसी सदस्य मलगौडा पाटील यांच्या हस्ते फित कापून करण्यात आले. यावेळी कडोली ग्रामपंचायतीचे अध्यक्ष सागर पाटील, ग्रामपंचायतीचे विकास अधिकारी (PDO) कृष्णाभाई भंडारी, ग्रामपंचायतीचे सदस्य, एसडीएमसीचे अध्यक्ष, उपाध्यक्ष, सदस्य तसेच देवगिरी गावातील ज्येष्ठ नागरिक मोठ्या संख्येने उपस्थित होते.

यावेळी उपस्थित मान्यवरांनी शिक्षण क्षेत्रातील मूलभूत सुविधा मजबूत करण्यासाठी अशा विकासकामांना प्राधान्य देण्यात येत असल्याचे सांगत विद्यार्थ्यांच्या उज्ज्वल भविष्यासाठी दर्जेदार शैक्षणिक वातावरण निर्माण करण्याची गरज व्यक्त केली.