कुद्रेमनीत 20 लाखांच्या सी.सी. रस्त्याच्या कामाचे पूजन संपन्न

*कुद्रेमनीत 20 लाखांच्या सी.सी. रस्त्याच्या कामाचे पूजन संपन्न*  
                                 _मंत्री लक्ष्मीताई हेब्बाळकर यांच्या फंडातून 150 मीटर रस्ता मंजूर_

Also read

*दोन हजारांवरील यूपीआय व्यवहारांवर MDR शुल्क; १५ ऑक्टोबरपासून नवा नियम*

*कुद्रेमनी, ता. बेळगाव:* बेळगाव ग्रामीण मतदार संघाच्या आमदार व महिला आणि बाल विकास, अपंग आणि ज्येष्ठ नागरिक सक्षमीकरण मंत्री *लक्ष्मीताई हेब्बाळकर* यांच्या विशेष प्रयत्नातून मंजूर झालेल्या कुद्रेमनी गावातील नाईकवाडी ते बेळगाव-वेंगुर्ला रस्त्याला जोडणाऱ्या मुख्य रस्त्यावरील 150 मीटर लांबीचा सी.सी. रस्त्याच्या कामाचा शुभारंभ आज मोठ्या उत्साहात करण्यात आला.

आमदार लक्ष्मीताई हेब्बाळकर यांनी *20 लाख रुपये निधी* मंजूर केला असून या *150 मीटर सी.सी. रस्त्याचे* पूजन ग्राम पंचायत अध्यक्ष *विनायक पाटील* व *शंकर पाटील* यांच्या हस्ते करण्यात आले. यावेळी *दिपक पाटील* यांनी श्रीफळ वाढवून पूजन केले. 

सदर रस्ता कुद्रेमनी गावातील नाईकवाडी मुख्य रस्ता असून, नागरिकांची अनेक वर्षांची मागणी लक्ष्मीताई हेब्बाळकर यांनी पूर्ण केली आहे. या कामाचे ठेकेदार *बाळकृष्ण पाटील* हे आहेत.

Also read

*खानापूर तालुका दुष्काळग्रस्त जाहीर करा; शेतकऱ्यांची संपूर्ण कर्जमाफी आणि कृत्रिम पावसाची मागणी तहसीलदारांना शेतकऱ्यांचे निवेदन; पीक नुकसानीचे पंचनामे करून तातडीने मदत देण्याची मागणी*

याप्रसंगी *रवी पाटील, अरुण देवण, धोडिंबा पाटील, बाळू कदम, शिवाजी गुरव, जोतिबा बडसकर, भरमाणा लोहार, केदारी गोवेकर, लक्ष्मण धामणेकर, लक्ष्मण कागणकर, रोहण पाटील, परशू नाईक व यल्लाप्पा नाईक* यांच्यासह नाईकवाडी व कुद्रेमानीतील ग्रामस्थ, युवक मोठ्या संख्येने उपस्थित होते.

“लक्ष्मीताई हेब्बाळकर यांनी ग्रामीण भागाच्या विकासासाठी नेहमीच निधी उपलब्ध करून दिला आहे. नाईकवाडीतील हा मुख्य रस्ता झाल्याने शाळकरी मुले, शेतकरी व ज्येष्ठ नागरिकांची मोठी सोय होणार आहे,” अशी भावना यावेळी ग्रामस्थांनी व्यक्त केली. 

नाईकवाडी परिसरातील दळणवळणाचा प्रश्न मार्गी लागल्याने ग्रामस्थांनी आमदार तथा मंत्री लक्ष्मीताई हेब्बाळकर यांचे आभार मानले.