बेळगाव : जिल्हा क्रीडा क्षेत्रासाठी अभिमानाची बातमी समोर आली आहे. बेळगाव जिल्हा क्रीडा कराटे संघटनेच्या दोन महिला खेळाडूंची वर्ल्ड कराटे फेडरेशन (WKF) आयोजित अधिकृत ‘Youth League’ स्पर्धेसाठी निवड झाली आहे. ही आंतरराष्ट्रीय स्पर्धा 12 ते 15 फेब्रुवारी 2026 दरम्यान दुबईतील फुजिरा येथे पार पडणार आहे.
बेळगावच्या क्रीडा इतिहासात प्रथमच दोन मुलींना WKF च्या अधिकृत युथ लीग स्पर्धेत संधी मिळाल्याने जिल्हाभरात उत्साहाचे वातावरण आहे.
https://youtu.be/OVwJG7HrZxo?si=mpmPQ-jeTsZdmIVN
👉 अनुष्री बेंबळगी हिची 14 वर्षांखालील गटात कुमिते (+50 किलो) प्रकारासाठी निवड झाली आहे.
👉 संस्कृती काकतकर हिला 17 वर्षांखालील गटात काता प्रकारात संधी मिळाली आहे.
या दोन्ही खेळाडूंना संघटनेचे अध्यक्ष गजेंद्र काकतीकर आणि सचिव जितेंद्र काकतीकर यांचे मार्गदर्शन लाभले आहे. त्यांच्या नियोजनबद्ध प्रशिक्षण आणि सातत्यपूर्ण मेहनतीचा हा परिपाक असल्याचे संघटनेच्या पदाधिकाऱ्यांनी सांगितले.
बेळगाव जिल्हा कराटे संघटनेचे ध्येय आंतरराष्ट्रीय दर्जाच्या अधिकृत स्पर्धांसाठी सक्षम खेळाडू घडविण्याचे असून, या निवडीमुळे त्या दृष्टीने मोठे पाऊल टाकले गेले आहे.
जिल्ह्यातील क्रीडा क्षेत्रासाठी ही निवड प्रेरणादायी ठरत असून, दोन्ही खेळाडूंवर अभिनंदनाचा वर्षाव होत आहे.
