बेळगाव ऑटोमोबाईल मर्चंट्स असोसिएशनतर्फे ७७व्या प्रजासत्ताक दिनाचा सोहळा अत्यंत उत्साहपूर्ण वातावरणात साजरा करण्यात आला. हा कार्यक्रम फोर्ट रोड येथील असोसिएशन हॉलमध्ये पार पडला.
संस्थेचे अध्यक्ष शरद पाटील यांनी यावेळी उपस्थितांना संबोधित करत ऑटोमोबाईल व्यवसायाशी संबंधित विविध समस्यांवर सविस्तर चर्चा केली. व्यापाऱ्यांच्या अडचणी समजून घेत, त्या सोडवण्यासाठी योग्य मार्ग व उपाययोजना राबवण्याचे आश्वासन त्यांनी दिले. संघटितपणे पुढे जात व्यवसाय अधिक सक्षम करण्यावर त्यांनी भर दिला.
या कार्यक्रमास प्रमुख पाहुणे म्हणून मोहित रविन मोदी उपस्थित होते. त्यांच्या हस्ते ध्वजारोहण करण्यात आले. यावेळी अध्यक्षांसह पदाधिकाऱ्यांनी राष्ट्रध्वजाला मानवंदना दिली.
कार्यक्रमात पुढील पिढीतील व्यावसायिकांनी सक्रिय सहभाग घ्यावा, असे आवाहन करण्यात आले. अनेक सदस्यांचे सुपुत्र उपस्थित होते. त्यांनी आपल्या आधुनिक कार्यपद्धती, नवीन व्यावसायिक दृष्टिकोन मांडत ज्येष्ठ व्यापाऱ्यांनी व्यवसाय ज्या पातळीवर नेऊन ठेवला आहे, त्याबद्दल कृतज्ञता व्यक्त केली.
संस्थेचे सचिव कमरुद्दीन सौदागर, खजिनदार ओमप्रकाश वैष्णव, उपाध्यक्ष रविन मोदी यांच्यासह ऑटोमोबाईल क्षेत्रातील मान्यवर व्यापारी मोठ्या संख्येने उपस्थित होते. यामध्ये टर्बो ऑटोमोबाईल्सचे वहाब, महाराजा टेम्पोचे सुरेंद्र क्वात्रा, सुरेश ऑटो यांच्यासह अनेक नामांकित डीलर्सचा सहभाग होता.
या कार्यक्रमाचे आयोजन यशस्वीपणे पार पाडल्याबद्दल एस.पी. कार अॅक्सेसरीजचे समरथ कुडे यांचा विशेष सत्कार असोसिएशनच्या पदाधिकाऱ्यांच्या हस्ते करण्यात आला.
हा कार्यक्रम व्यावसायिक एकतेचा, राष्ट्रीय मूल्यांचा आणि पुढील पिढीला प्रेरणा देणारा ठरला.
