शाहूनगरात दुर्गामाता दौडीला उत्स्फूर्त प्रतिसाद
बेळगाव : रविवारी पहाटे शाहूनगर परिसरात दुर्गामाता दौडीचे भव्य आयोजन करण्यात आले. बीके कंग्राळी येथून प्रारंभ झालेली ही दौड पहाटे साडेपाच वाजता शाहूनगर भागातील विविध गल्लीबोळांतून जल्लोषात पार पडली.
दुर्गामाता ध्वज घेऊन समाजसेवक प्रवीण पाटील यांनी पुढाकार घेतला. या वेळी बेळगावच्या माजी उपमहापौर तथा नगरसेविका रेश्मा प्रवीण पाटील, नगरसेवक सुरेश नाकाडी, माजी नगरसेवक मोहन बेळगुंदकर, रोहित जांभळे, रवी, आदित्य पाटील, निरंजन जाधव, शाश्वत कांबळे, ज्योती होसुरकर, राजश्री राऊत, पल्लवी प्रभाकर आदी मान्यवर उपस्थित होते.
युवक मंडळ, महिला मंडळ तसेच परिसरातील नागरिक बाळगोपाळांसह मोठ्या संख्येने सामील झाले होते. विशेष म्हणजे महिलांनी आपल्या अंगणात रांगोळी काढून आणि फुलांनी सजावट करून दौडीचे स्वागत करत वातावरण मंगलमय केले.
