कोल्हापूर येथे सचिन टीम टॉपर्स स्केटिंग अकॅडमीच्या वतीने आयोजित करण्यात आलेल्या शिवसमर्थ खुल्या स्पीड स्केटिंग स्पर्धेत बेळगाव जिल्ह्यातील स्केटिंगपटूंनी उल्लेखनीय कामगिरी करत आपली गुणवत्ता सिद्ध केली आहे. या स्पर्धेत राज्यातील विविध भागांतून 300 हून अधिक नामवंत स्केटर्सनी सहभाग नोंदवला होता.
या अटीतटीच्या स्पर्धेत बेळगावच्या स्केटर्सनी सात सुवर्ण, चार रौप्य आणि एक कांस्य अशी एकूण बारा पदके जिंकत सर्वांचे लक्ष वेधून घेतले. त्यांच्या या यशामुळे जिल्ह्याच्या क्रीडा क्षेत्रात नव्या उत्साहाचे वातावरण निर्माण झाले आहे.
🥇 पदक विजेते खेळाडू
जानवी तेंडूलकर – 2 सुवर्ण
शल्य तरळेकर – 2 सुवर्ण
सौरभ साळोखे – 2 सुवर्ण
आरशान माडीवाले – 1 सुवर्ण, 1 कांस्य
अमिषा वेर्णेकर – 2 रौप्य
प्रीतम बागेवाडी – 2 रौप्य
हे सर्व खेळाडू के.एल.ई. सोसायटी स्केटिंग रिंक आणि गुड शेफर्ड स्केटिंग रिंक येथे नियमित सराव करत असून प्रशिक्षक सूर्यकांत हिंडलगेकर, विठ्ठल गंगणे, योगेश कुलकर्णी, विश्वनाथ येल्लूरकर आणि सोहम हिंडलगेकर यांच्या मार्गदर्शनाखाली त्यांनी हे यश संपादन केले आहे.
तसेच डॉ. प्रभाकर कोरे, माजी आमदार शाम घाटगे, राज घाटगे, उमेश कलघटगी आणि प्रसाद तेंडुलकर यांचे प्रोत्साहन व पाठबळ या खेळाडूंना लाभत असल्याचे सांगण्यात आले.
