*बुसान, दक्षिण कोरिया येथे होणाऱ्या आंतरराष्ट्रीय परिषदेत संशोधन सादर करणार*
*दिल्ली येथे सुपर स्पेशालिटी वैद्यकीय शिक्षण घेत असलेले डॉ. निखिल पंत बाळेकुंद्री यांनी हृदयविकार क्षेत्रात अभिमानास्पद कामगिरी करत आंतरराष्ट्रीय स्तरावर ठसा उमटवला आहे*.
कार्डिओलॉजी (हृदयरोग) विषयातील त्यांचा प्रबंध हा *एशिया पॅसिफिक हार्ट रिदम सोसायटी (Asia Pacific Heart Rhythm Society)* या प्रतिष्ठित संस्थेने निवडला आहे.
या निवडीमुळे त्यांना आपले संशोधन *दिनांक २२ व २३ ऑक्टोबर २०२६ रोजी बुसान, दक्षिण कोरिया* येथे चार दिवस होणाऱ्या प्रतिष्ठित आंतरराष्ट्रीय परिषदेत सादर करण्याची संधी मिळाली आहे. या परिषदेला जगभरातील नामवंत हृदयरोग तज्ज्ञ उपस्थित राहणार आहेत.
डॉ. निखिल हे अक्कोळ येथील नामवंत डॉ. संजय व सौ. श्रद्धा पंतबाळेकुंद्री यांचे ज्येष्ठ चिरंजीव आहेत.
त्यांच्या या यशाबद्दल सर्व स्तरांतून त्यांचे मनःपूर्वक अभिनंदन होत असून त्यांच्या पुढील वाटचालीसाठी व सादरीकरणासाठी हार्दिक शुभेच्छा व्यक्त होत आहेत.
