बेळगाव, दि. १७ मार्च २०२६ :
मुसळधार पाऊस आणि जोरदार वाऱ्यामुळे आज दुपारी शहरातील सरदार मैदानाजवळील एक विशाल फ्लडलाइट टॉवर अचानक कोसळून कॉलेज रोडवर आडवा पडल्याची घटना घडली. या घटनेमुळे काही काळासाठी संपूर्ण वाहतूक ठप्प झाली होती आणि परिसरात भीतीचे वातावरण निर्माण झाले.
घटनेची माहिती मिळताच सामाजिक कार्यकर्ते अवधूत तुडवेकर, पद्मप्रसाद हुली व शशिकांत अंबेवाडेकर यांनी तत्काळ घटनास्थळी धाव घेतली. त्यांना SDRF पथक व ट्रॅफिक पोलिसांनीही साथ दिली. जोरदार पाऊस सुरू असतानाही या पथकाने धाडसाने काम करत अवजड लोखंडी टॉवर रस्त्यावरून हटवला.
https://youtube.com/shorts/JKYMToAFpFs?si=VpkAcPIskhepQnmO
या वेळी विद्यार्थ्यांची व वाहनचालकांची मोठी वर्दळ असल्याने संभाव्य मोठा अपघात टळल्याची भावना नागरिकांनी व्यक्त केली. काही वेळातच रस्ता मोकळा करून वाहतूक सुरळीत करण्यात आली.
स्थानिक नागरिकांनी या पथकाच्या तत्परता व धाडसाचे कौतुक करत त्यांचे आभार मानले. प्रतिकूल हवामानात जीवाची पर्वा न करता केलेल्या या कार्यामुळे शहरातील एक मोठी दुर्घटना टळल्याचे बोलले जात आहे.
