*समर्थ नगर परिसरात महिलेनं विहिरीत उडी मारून संपवले जीवन*

समर्थ नगर परिसरात महिलेनं विहिरीत उडी मारून संपवले जीवन

बेळगाव शहरातील समर्थ नगर परिसरात आज सकाळी घडलेल्या धक्कादायक घटनेने परिसर हादरला आहे. एका महिलेने अज्ञात कारणातून विहिरीत उडी मारून आत्महत्या केल्याची घटना उघडकीस आली आहे.

मिळालेल्या माहितीनुसार, ही महिला आज (८ ऑक्टोबर) सकाळी घरातून बाहेर पडली होती. ती घरी परत न आल्यामुळे कुटुंबीयांनी तिचा शोध सुरू केला. दरम्यान, परिसरातील एका विहिरीजवळ तिच्या चप्पल दिसल्याने स्थानिकांना संशय आला. त्यांनी त्वरित या घटनेची माहिती पोलिसांना दिली.

घटनेची माहिती मिळताच पोलीस पथक आणि एच.ई.आर.एफ. रेस्क्यू टीम घटनास्थळी दाखल झाली. बचाव कार्य तत्काळ सुरू करण्यात आले. अखेर मोठ्या प्रयत्नानंतर महिलेचा मृतदेह बाहेर काढण्यात आला. या मोहिमेत बसवराज, पद्मप्रसाद हुळी आणि राजू यांनी महत्त्वपूर्ण भूमिका बजावली, तर समाजसेवक अवधूत तुडयेकर यांनी बचाव कार्यात सहकार्य केले.

सदर महिलेची ओळख पटली असून तिच्या आत्महत्येचे कारण अद्याप स्पष्ट झालेले नाही. पोलीस घटनेचा सखोल तपास करीत आहेत.

https://youtube.com/shorts/NMkfkCAYrNE?si=k_s2hYJKT2kGCW-W