बेळगावातील श्री विश्वकर्मा सेवा संघ यांच्या वतीने गुणवंत विद्यार्थ्यांच्या सन्मानासाठी विशेष सत्कार समारंभ आयोजित करण्यात येणार आहे. 7वी, 10वी आणि 12वी परीक्षांमध्ये 85 टक्क्यांपेक्षा अधिक गुण मिळवलेल्या विद्यार्थ्यांचा या कार्यक्रमात गौरव करण्यात येणार असल्याची माहिती संघाकडून देण्यात आली.
या उपक्रमासाठी विद्यार्थ्यांकडून आवश्यक कागदपत्रे स्वीकारण्याची प्रक्रिया सुरू करण्यात आली असून मार्ककार्डची झेरॉक्स प्रत आणि एक पासपोर्ट साईज फोटो सादर करणे बंधनकारक ठेवण्यात आले आहे.
कागदपत्रे जमा करण्यासाठी रविवार, 24 मे 2026 आणि रविवार, 30 मे 2026 या दोन तारखा निश्चित करण्यात आल्या आहेत. सकाळी 10:30 ते 12:30 या वेळेत श्री विश्वकर्मा सेवा संघ कार्यालय, उद्यमबाग, बेळगाव येथे विद्यार्थ्यांनी प्रत्यक्ष उपस्थित राहून कागदपत्रे जमा करावीत, असे आवाहन करण्यात आले आहे.
दरम्यान, निपाणी, संकेश्वर आणि गोवा परिसरातील विद्यार्थ्यांसाठी WhatsApp द्वारे कागदपत्रे पाठवण्याची सुविधा उपलब्ध करून देण्यात आली आहे. संबंधित विद्यार्थ्यांनी आवश्यक कागदपत्रांचे फोटो काढून संघाच्या अधिकृत मोबाईल 8431935103,7259748781,9449650125 क्रमांकावर पाठवावेत, असेही स्पष्ट करण्यात आले.
कागदपत्रे संकलित झाल्यानंतर सत्कार समारंभाची अंतिम तारीख जाहीर करण्यात येणार असल्याची माहिती संघाच्या पदाधिकाऱ्यांनी दिली.
