*प्रजासत्ताक दिनी कंग्राळी बिकेच्या कावेरी सूर्यवंशीचा सुवर्ण सन्मान*

प्रजासत्ताक दिनी कंग्राळी बिकेच्या कावेरी सूर्यवंशीचा सुवर्ण सन्मान

बेळगांव:प्रजासत्ताक दिनाच्या पार्श्वभूमीवर कंग्राळी बिके येथील कन्नड हायर प्रायमरी स्कूलची विद्यार्थिनी कुमारी कावेरी सूर्यवंशी हिच्या उल्लेखनीय क्रीडा यशाचा गौरव करण्यात आला.

सध्या इयत्ता सहावीमध्ये शिक्षण घेत असलेल्या कावेरीने कर्नाटका ओपन राज्यस्तरीय जुडो चॅम्पियनशिप 2025-26 मध्ये सुवर्णपदक पटकावत राज्य पातळीवर शाळेचे व गावचे नाव उज्ज्वल केले आहे. या यशाबद्दल तिचा शाळेच्या प्रांगणात ग्रामपंचायत सदस्य रेखा इंडीकर यांच्या हस्ते सन्मान करण्यात आला.
कावेरी सूर्यवंशी हिने यापूर्वीही विविध स्पर्धांमध्ये सातत्यपूर्ण यश मिळवले आहे.

बेळगाव शैक्षणिक जिल्हास्तरीय डिपार्टमेंट स्पोर्ट्स,
कर्नाटका शैक्षणिक राज्यस्तरीय डिपार्टमेंट स्पोर्ट्स (बेलगाम),
मिनी कर्नाटका क्रीडा खेळाडू 2025 (बेंगळुरू),
कर्नाटका DYES स्पोर्ट्स हॉस्टेल जुडो स्पर्धा
या सर्व स्पर्धांमध्ये तिने सुवर्णपदक पटकावले आहे.
राष्ट्रीय स्तरावरही तिने आपली छाप सोडत School Games Federation of India आयोजित 69 व्या नॅशनल स्कूल गेम्स जुडो चॅम्पियनशिप 2025-26 (लुधियाना, पंजाब) येथे कांस्यपदक मिळवले आहे.
कावेरीला DYES हॉस्टेलच्या आंतरराष्ट्रीय प्रशिक्षिका व पदकविजेत्या रोहिणी पाटील (एकलव्य आवडी) तसेच आंतरराष्ट्रीय पदकविजेत्या कुतुजा मुलतानी यांचे मार्गदर्शन लाभले आहे.

या सन्मान सोहळ्यावेळी ग्रामपंचायत सदस्य, एसडीएमसी अध्यक्ष उपाध्यक्ष व सदस्य, आर.एस.भजंत्री  (मुख्याध्यापक),सुवर्णा जी. कल्लिमठ (सहशिक्षिका, इयत्ता 6 वी, द्विभाषिक इंग्लिश मीडियम),
पालक, शिक्षक व विद्यार्थी मोठ्या संख्येने उपस्थित होते.
कावेरीच्या या यशामुळे ग्रामीण भागातील विद्यार्थ्यांमध्ये क्रीडाक्षेत्रात पुढे जाण्याची नवी प्रेरणा निर्माण झाली आहे.