श्री क्षेत्र आप्पाचीवाडी येथील श्री हालसिद्धनाथ यात्रेला हजारो भक्तांच्या उपस्थितीत आणि भंडाऱ्याच्या उधळणीत प्रारंभ झाला.कर्नाटक आणि महाराष्ट्रातील हजारो भाविक रविवार पर्यंत चालणाऱ्या यात्रेसाठी दाखल झाले आहेत.
हालसिद्धनाथ महाराज की जय आणि हालसिद्धनाथच्या नावाने चांगभलं चा जयघोष करत भाविक पहिल्या दिवशीच्या पालखी सोहळ्यात सहभागी झाले होते.पालखीच्या मार्गांवर जमलेल्या भाविकांनी पालखीवर भंडारा आणि खारीकची उधळण केली. कुर्ली येथून ढोल ताशाच्या निनादात निघालेली पालखी मंदिरात आल्यावर पुजाऱ्यांनी पूजन केले.नंतर विधिवत उत्सव मूर्तीची प्रतिष्ठापना करण्यात आली.
यावेळी धनगरी ढोलांच्या आवाजाने परिसर दणाणून गेला होता. यात्रेनिमित्त महाप्रसादाचे आयोजन करण्यात आले असून रविवार पर्यंत यात्रा कमिटीच्या वतीने विविध कार्यक्रमांचे आयोजन करण्यात आले आहे. मंदिर परिसरात खेळणी, पूजा साहित्य आदीची दुकाने थाटण्यात आली आहेत.
https://youtube.com/shorts/PUqRaTamH5I?si=B4teeJMXDVmdvdPe
